برشلونة !! ماينفع الترقيع !!

برشلونه هالموسم؟؟ شلي حصل شلي صار؟؟ صار اللي ماكان يخطر لا على البال ولا على الخاطر!! مستوى فااااشل لابعد الحدود مهما قدم الفريق ماكان هذا الطموح!! فريق من بدايه الموسم نرقع فيه ومايترقع !! نصبر وماينفع الصبر!! الفريق مترووس مشاكل وااضحه للعلن!! اول مشكله بالفريق واللي الكل مافكر فيها هي الطاقم الطبي!! نعم الطاقم الطبي اكبر من مشكله ريكارد واكبر من تدني مستوى رونالدينهو!!




ياجماعه لاعب يصاب بالموسم اربع خمس مرات!! ليييش وين الطاقم الطبي ؟ شنوو السبب؟ ليش لاعبين الفرق الثانيه مايصابون؟ واذا صارت اصابه تكون باعداد معقولة!! يعني اصابات ممكن يستوعبها العقل اما لبرسا اللاعب يصاب بالموسم ست سبع مرات كل مباراة يقولولك اللاعبين يشعرون بالارهاق اللاعب الفلاني عنده اصابه خفيفه اللاعب الفلاني اصابته رجعتله!! اي لييييش؟ وين قاعدين ؟ شنو لعب شوارع اهو؟؟ لي متى هالمهزله؟؟




هذا شي الشي الثاني المدرب!! طبعا حدث ولا حرج الاخ صارله ستة وخمسين سنة على هالطريقه 4 3 3 شنو انسان ولا حيوان ولا شنو ؟ ماكو عقل ؟ ياعمي الحمار تطقه يمشي هالمدرب على كثر ماطقوووه الفرق والصحافه مو راضي يمشي موراضي يفهم!! خلاااص يبه خطه رااحت انتهت !! كانت خطه عبقريه من مدرب ناجح بوقتها بس الاخ نسى انه بالسابق كانت عنده مفاتيح نجاح هالخطه!! الاعتماد على الاجنحه روني ميسي ايتو كانو يطبقونها بطريقه ناجحه بس اللاعب يتغير مستواه يتغير ادائه خلاص رونالدينهو تغير ادائه ممكن يفجر كل مواهبه لو صار صانع العاب


ممكن المدرب ينوع يغير ويطلع كل اللي عند اللاعبين!! طبعا مابي اطول بسالفه ريكارد شبعنا وحنا نتكلم عنهّ!! وعنه مافهم!! اللاعبين!! جلب النادي هنري ميليتو ابيدال توريه!! هنري بصراحه موضوع مزاج من الرئيس ليس للمدرب ولا الطاقم الفني اي راي فيه موضوعه مثل موضوع شفتشنكو مع تشلسي!! لاعب كبير بالمكان الغير مناسب مع الشخص الغير مناسب!! لاتعليق!! ميليتو اختيار موفق بس الخطه اللي مدربنا الذكي يلعب فيها قللت من قدراته




لانها تعتمد على الهجوم وتفقد المدافع الكثير من خصاله الدفاعيه! توريه اختيار اكثر من رائع! ابيدال!! بصراحه انا شخصيا لليوم مو عارف هاللاعب ليش تم اختياره في يوم من الايام مع فريق الاحلام على مستوى العالم كأفضل ظهير ايسر!! والله من حظر هاللاعب وانا مو مرتاحله ولا هضمته!! يعني لاعب زين بس مو اللي يغير شكل الدفاع لاعب عادي جدا وفي كثير من المباريات تحس كأنه يلعب بالشارع مو عالكامب نو!! برووودة بردة الفعل ولمساته للكرة كأنه قاعد يلعب مباراة شوارع والمهاجم يطوفه بكل سهولة!! والله سيلفينهو لو بس عنده بنيه قوية كان صار افضل منه بألف مرة!!




روني الخطه ماصارت تخدمه ايتو وميسي في القمه جيوفاني اكبر خدعه!! فالديس عمري ماحبيت هالحارس ولا راح احبه!! وبرشلونه دائما عندهم عقده من الحراس الكبار الظاهر مايحبون الحراس العمالقه لازم حارس ضعيييف عشان يرتاحون!! ولا جوركيرا تسمونه حارس والله والله والله لو اصير انا حارس يمكن اكون نفس مستواه يااعمي حتى وقفته بالمرمى مو وقفة حارس!!!




اخر شي ابي اتكلم فيه هو الرئيس الذهبي لابورتا



صرت احس انه شوي بدء يخورها بقراراته!! معقولة اخر شي فكر فيه هو انه يعطي مكافئات حق اللاعبين عشان يفوزون؟ لييييييش كأس الخليج احنا؟
يبه برشلونه مو بطولة شرق اسيا!! لاعبين يستلمون ملاااايين شنو بتسوي معاهم المكافئات ؟ اللاعب اللي مايبي الفوز من قلبه مانبيه!! يعني بصراحه مشاكل كبيرة وكثيرة وللاسف واضحه جدا وكأن الكل يشوفها الا برشلونه واللي بيده مستقبل برشلونه!!


اسف للاطاله واسمحولي اذا كنت جاف باسلوبي بس من القهر على فريقي الحبيب واكيد اني ماوفيت كل شي بس انشالله اكون وفقت بمقالي ووصلت اللي بقلبي

لاحلا جمهور لاحلا ناس عشاق البلوجرانا .. اهل الذوق والمنطق!! وخل اللي يتكلم يستريح برشلونه مايهزك

ريح!!